|
VOOGSKOOL - "TWINNING WITH NWA VANGANI"
Laerskool Hennopspark het in 2001 'n verhouding begin met die ondersteuning van een van die agtergeblewe skole in die "townships".
Ons was dadelik getref deur behoeftes op vele terreine. Hul ongelooflike bereidwilligheid om te leer en te ontwikkel het ons aangegryp.
Die skool het met sy kundigheid van die Bestuurspan hulle besoek en reeds verskeie opleidingsessies voltooi. Verder het ons borge gewerf om die instandhouding van die skool te bevorder. Daar is verf geskenk, plafonne herstel (ceiling, brandering and cornice).
Ons reël jaarliks ‘n atletiekbyeenkoms met ons B-span tuis om Nwa Vangani af te rig en gereed te kry vir die Cluster Atletiek
Die skool se liefdadigheidskomitee het warm klere ingesamel en dit voor die winter aan hulle oorhandig.
Ons het aan hulle ons oortollige kurrikulummateriaal geskenk.
Daar was verskeie kruis kulturele kontak tussen die skole met onder andere atletiek, kore, leierskap, ens.
Daar is in 2004 borge bekom om die onderwyser - kind verhouding te verlig en vanaf 2005 word een leerkrag deur ons skool betaal. Ongelukkig moes ons die betaling van die onderwyser staak weens die tekort aan borge.
McCarthy Toyota het deur ons bemiddeling reeds vir twee jaar aan alle personeel en leerders dagboeke geskenk.
Ons het reeds ‘n paar inligtingsessies vir personeel en lerder aangebied. Ons nuutste doelwit is om skaak te vestig by hul leerders. Laat weet gerus indien u ‘n bydrae wil lewer.
|
