Huisreëls

'n Hennopsparker

• Praat altyd positief van of oor my medemens.
• Respekteer die besittings, liggaam en integriteit     van my mede skoliere en opvoeders.
• Respekteer my meerderes / minderes, gaste en tree hoflik teenoor hulle op.
• Sal altyd vriendelik optree teenoor my maats, opvoeders en besoekers.
• Reik uit na diegene om my wat in fisiese, emosionele of akademiese nood verkeer.
• Se gedrag, optrede, en lojaliteit sal 'n weerspieëling wees van die ryke tradisie van sy skool.
• Beskerm en bewaar die terrein, geboue en meubels.
• Stel my talente en gawes tot beskikking van my skool.
• Gun sy maats om te presteer en kyk nie neer op diegene wat minder talente as hy ontvang het nie.
• Sal altyd ons moedertaal (Ons Pêrel) van groot waarde handhaaf en koester. Geen vuil woord sal uit my my mond kom nie.
• Sal altyd en oral 'n ambassadeur van sy skool en skooldrag wees.
• Sal altyd soos 'n kind van die Here optree omdat ons 'n christelike skool is.

GEDRAGSKODE VIR LAERSKOOL HENNOPSPARK

Die primêre doel van Laerskool Hennopspark is om te alle tye op die positiewe te konsentreer.  Ongelukkig moet daar voorsiening gemaak word vir dié wat nie die riglyne wat vir hulle neergelê word, wil of kan gehoorsaam nie.  Om dit vir personeel, leerders en ouers makliker te maak, gee ons hierby (Laerskool Hennopspark Gedragskode (pdf, 88kB)) die volgende kode, sodat GEEN onduidelikhede kan bestaan nie.  Die skool is groot en daarom maak ons staat op almal se samewerking.

Hierdie dokument bestaan uit twee dele, tewete

A Algemene ernstige oortredinge.
B Die Dissiplinêre beleid van Hennopspark.

U as ouer moet asseblief kennis neem dat elke saak volgens meriete hanteer sal word.  Goeie dissipline tuis verseker dat leerders dit met gemak by die skool sal regky.  Wees konsekwent en sien toe dat take wat u gee, afgehandel word.